बुटवल । बुटवल जेसीजमा बिजनेश लिडरसिप प्रशिक्षण सम्पन्न भएको छ ।
बुटवल क्षेत्रका जेसीजमा आवद्ध एवं ननजेसी व्यक्तिहरुको सहभागीतामा व्यावसाय सम्बन्धि नेतृत्व क्षमता अभिवृद्धिको लागि एकदिने बिजनेश लिडरसिप प्रशिक्षण कार्यक्रम सप्पन्न गरिएको बुटवल जेसीजका अध्यक्ष हरि बिक्रम कुवरले बताए ।
कार्यक्रमको प्रमुख आतिथ्यता गरेका लुम्बिनी प्रदेशसभाका सासंद भोजप्रसाद श्रेष्ठले युवाहरूको व्यावसायीक क्षमता वृद्धि विकासको लागि बुटवल जेसीजले निकै सान्दर्भिक कार्यक्रम गरेकोमा सराहना गर्दै सृजनशिल र रचनात्मक कार्यक्रममा आफुले सदैव सहयोग गर्ने बताए ।
नेपाल जेसीजका पुर्व राष्ट्रिय कार्यकारिणी उपाध्यक्ष एवं सस्कार एकाडेमीका प्रमुख कार्यकारी अधिकृत समेत रहेका जेसीजका राष्ट्रिय प्रशिक्षक राजाबाबु शाहले तालीमको सहजीकरण गरेका थिए । उनले व्यावसाय संचालन गर्ने तरिका, त्यसको सफल ब्यवस्थापन र कुशल नेतृत्व सम्बन्धि प्रशिक्षण दिएका थिए । उक्त कार्यक्रममा बुटवल जेसीजका पुर्व अध्यक्ष गोपाल प्रसाद अधिकारी, तिलोत्तमा जेसीजका अध्यक्ष प्रकाश गौतमको शुभकामना तथा सैनामैना जेसीजका अध्यक्ष यदुनन्द भण्डारीले सहभागीको तर्फदेखि प्रशिक्षणबाट प्राप्त अनुभव मन्तव्य राखेका थिए ।
कार्यक्रम बुटवल जेसीजका अध्यक्ष हरि बिक्रम कुवरको अध्यक्षता, कार्यक्रम संयोजक कार्यकारिणी उपाध्यक्ष मोहन न्यौपानेको स्वागत, उपाध्यक्ष यदुमणी पोखरेलको जेसीज आस्था पाठ, जेसी सदस्य विकास पन्थीको मिसनर भिजन बाचन र महासचिव चन्द्रकान्त डुम्रेको संचालनमा सम्पन्न भएको थियो ।
प्रतिक्रिया