नेपालगन्ज । नेपालगन्जमा रक्तदान गरेर नर्सिङ दिवस मनाइएको छ । अस्पतालहरुमा उपचारको लागि रगत अभाव हुन नदिने उद्देश्यले रक्तदान गर्दै अन्तराष्ट्रिय नर्सिङ दिवस मनाइएको हो ।
बाँकेका स्वास्थ्यकर्मीहरुको पहलमा नेपाल रेडक्रस सोसाइटी नेपालगन्जमा संचालन गरिउको रक्तदान कार्यक्रममा भेरी अस्पतालका निमित्त मेडिकल सुपरिटेन्डेन्ट डा. राजन पाण्डेले रक्तदान गरेर शुभारम्भ गरेका थिए ।
नर्सिङ सङ्घ बाँकेको आयोजनमा भएको सो रक्तदानमा भेरी अस्पतालका निमित्त मेसु डाक्टर पाण्डे, अस्पतालका नर्सिङ प्रशासक दुर्गालक्ष्मी क्षेष्ठ, नर्स झरना केसिलगायत दर्जन बढि स्वास्थ्यकर्मिले रक्तदान गरेका थिए ।
नर्सिङ प्रशासक क्षेष्ठले सहजिकरण गरेको कार्यक्रमका सहभागि स्वास्थ्यकर्मी रक्तदान नै जीवनदान भएकोले आमनागरिकले रक्तदान गर्नपर्ने बताए ।
बढ्दो गर्मीसंगै अस्पतालमा उपचारको लागि आउने विरामीलाई उपचारमा आवश्यक पर्ने रगत अभाव रहेको वेला सगठनात्मक रुपमा गरीएको यो कामले ठूलो पुण्य प्राप्त हुने वक्ताहरुले बताएका थिए ।
प्रतिक्रिया