बुटवल । गत बैशाख २० गते बुटवल उप-महानगरपालिका वडा नं. ९ स्थित फ्युरियल कन्स्ट्रक्सनको अगाडी पार्किङ गरी राखेको स्थानबाट हराएको मोटरसाईकल प्रहरीले आज फेला पारेको छ ।
बिराज शर्माको नाममा दर्ता रहेको लु ३४ प ३४८८ नम्वरको एनएस पल्सर मोटरसाईकल चोरी गर्ने व्यक्ति सहित प्रहरीले आज फेला पारेको हो । पीडितको हुलिया निवेदन सम्बन्धमा तत्काल खोजतलास गर्ने क्रममा ईलाका प्रहरी कार्यालय मंगलापुर रुपन्देहीबाट खटिएका प्रहरी टोलिले आज तिलोत्तमा नगरपालिका वडा नं.११ मौवारीबाट मोटरसाईकल र मोटेरसाइकल चोर्ने ब्यक्ति नियन्त्रणमा लिएको हो । पक्राउ पर्नेमा पाल्पा तानसेन नगरपालिका घर भई हाल जिल्ला रूपन्देही तिलोत्तमा नगरपालिका वडा नं. ११ डेरा गरी २५ वर्षिय सुशिल थापा रहेका छन् ।
पक्राउ परेका थापालाई चोरी कसुर शिर्षकमा मुद्दा दर्ता गरी थप अनुसन्धान भई रहेको प्रहरीले जनाएको छ।
प्रतिक्रिया