विदेशी कुटनीतिक नियोगका प्रमुखहरुसँग प्रधानमन्त्री प्रचण्डको छलफल

काठमाडौं । प्रधानमन्त्री पुष्पकमल दाहाल प्रचण्डले नेपालमा रहेका विभिन्न देशका राजदूतलगायत कुटनीतिक नियोगका प्रमुखहरूसँग छलफल गरेका छन् ।

सिंहदरबारस्थित प्रधानमन्त्रीको कार्यालयमा छलफल भएको हो । प्रधानमन्त्रीमा नियुक्त भएपछि प्रचण्डले यसरी सामुहिक रुपमा विदेशी कुटनीतिक नियोगका प्रमुखहरुसँग भेट गरेका हुन् ।

छलफलमा नेपालले अपनाउँदै आएको कुटनीतिका बारेमा कुराकानी भएको प्रधानमन्त्रीको सचिवालयले जनाएको छ । यसका साथै विदेशी मित्र राष्ट्र र दातृ निकायले नेपाललाई दिने सहयोगबारे समेत छलफल भएको छ ।