काठमाडौँ । नक्कली भुटानी शरणार्थी प्रकरणमा अदालतमा बयान सुरु भएसँगै थप एक जना प्रहरी नियन्त्रणमा पुगेका छन् । प्रहरीको फरार सूचीमा रहेकी लक्ष्मी महर्जनलाई प्रहरीले पक्राउ गरेको हो ।
आजै प्रहरी नियन्त्रणमा आएकी महर्जनलाई प्रहरीले आजै अदालतमा उपस्थित गराएको छ । प्रहरीले बुधबार ३० जनाविरुद्ध मुद्दा चलाउँदा १४ फरार मध्ये उनलाई पनि फरार सूचीमा राखिएको थियो ।
लक्ष्मीको खातामा ठगी गरेको रकम जम्मा गरिएको प्रहरी अनुसन्धानबाट खुलेको छ । सन्देश शर्माले लक्ष्मीको खाता नम्बर पठाएअनुसार आरोपी गजेन्द्र बुढाथोकीले लाखौँ रुपैयाँ जम्मा गरेको अनुसन्धानबाट खुलेको छ । यससँगै शरणार्थी प्रकरणमा पक्राउ पर्नेको संख्या १७ पुगेको छ।
प्रतिक्रिया