काठमाडौं। केन्द्रीय कारागार जगन्नाथदेवलबाट फरार भएका नक्कली भुटानी शरणार्थी प्रकरणका प्रतिवादी सन्देश शर्मा पक्राउ परेका छन् ।
भदौ २४ को जेनजी आन्दोलनपछि कारागारबाट भागेका शर्मालाई काठमाडौं उपत्यका अपराध अनुसन्धान कार्यालयको टोलीले ललितपुरबाट पक्राउ गरेको हो । उनलाई पुनः कारागार पठाउने तयारी भइरहेको छ ।
यसअघि सो प्रकरणमा संलग्न मुख्य प्रतिवादीहरू सानु भण्डारी र केशव दुलाललाई पनि पक्राउ गरी कारागार पठाइएको थियो । त्यस्तै, यस मुद्दामा मुछिएका पूर्वउपप्रधान तथा ऊर्जामन्त्री टोपबहादुर रायमाझी र पूर्व गृहसचिव टेकनारायण पाण्डे आफै कारागारमा उपस्थित भएका थिए ।
प्रतिक्रिया