काठमाडौं । व्यवसायका लागि जस्तोसुकै मुद्दामा बहस गर्न तयार हुने भनेर कानुन व्यवसायीमाथि प्रश्न उठिरहेका बेलाम नेपालका केही कानुन व्यवसायीहरुले भने यस फटक आफ्नो फरक पहिचान प्रकट गरेका छन् । यसअघि व्यवसायीक धर्म भन्दै जूतो सुकै मुद्दामा बहस गर्न तयार हुने गरेका केही कानुन व्यवसायीहरुले यसपटक नक्कली भुटानी शरणार्थी प्रकरणमा मुछिएका आरोपितहरुको कानुनी प्रतिरक्षा नगर्ने घोषणा गरेका छन् ।
काठमाडौको एक स्थानमा अनौपचारिक बैठक गरेर उनीहरुले कुनै सार्वजनिक प्रतिक्रिया नजनाउने तर ‘व्यस्तताको कारण’ भन्दै मुद्दा नहेर्ने निर्णय गरेको ती वकिल निकट स्रोतले जनाएको छ । अनौपचारिक छलफलबाट आरोपितहरुको कानुनी प्रतिरक्षा नगर्ने निर्णय गरेपनि सार्वजनिकरुपमा भने उनीहरुले ‘व्यक्तिगत रुचि’ भनेर अभिब्यक्ति दिने समझदारी समेत गरेको बताइएको छ ।
छलफलमा शरणार्थी प्रकरण राष्ट्रहित विरुद्धको काम र यो प्रकरणले मुलुकको छवि नै अन्तर्राष्ट्रियस्तरमा गिराउने गरी लज्जाको विषय बनेको निश्कर्ष निकालेको बैठकमा सहभागी एक कानुन व्यवसायीले बताए ।
छलफलमा वरिष्ठ अधिवक्ता शम्भु थापा, चण्डेश्वर श्रेष्ठ, डा. चन्द्रकान्त ज्ञवाली र टीकाराम भट्टराई सहभागी रहेको र उनीहरुले सो मुद्दाको ‘बहस पैरवीबाट टाढा रहने’ सहमति गरेको बताइएको छ ।
नेपालको संविधानमै कुनै पनि मुद्दाको आरोपितले कानुन व्यवसायी राख्न र आफ्नो पक्षबाट वकालत गराउन पाउने हकलाई मौलिक हकमा राखिएको भएपनि अहिले सम्म आरोतिहरुको पक्षबाट कुनै वकालतनामा दर्ता नभएको बताइएको छ ।
प्रतिक्रिया