काठमाडौं । प्रधानमन्त्री पुष्पकमल दाहाल प्रचण्डको भारत भ्रमणको तालिका प्रकाशित भएको छ ।
नयाँ दिल्लीस्थित नेपाली राजदूतावास र भारतीय विदेशमन्त्रालयले एकै समयमा भ्रमण तालिका सार्वजनिक गरेका छन् ।
प्रधानमन्त्री प्रचण्ड यही जेठ १७ गते भारतको औपचारिक भ्रमण गर्दैछन् । आर्थिक वर्षको बजेट पेश भएको पर्सिपल्टै हुन लागेको भ्रमण जेठ २० गतेसम्म हुनेछ । गत पुसमा प्रधानमन्त्री बनेपछि प्रचण्डको यो पहिलो विदेश भ्रमण हो । प्रधानमन्त्रीको साथमा उच्चस्तरीय प्रतिनिधिमण्डल रहने जनाइएको छ ।
भ्रमणका क्रममा प्रधानमन्त्रीले भारतीय राष्ट्रपति द्रोपदी मुर्मु र उपराष्ट्रपति हामिद अंसारी भेट गर्नेछन् । यस्तै समकक्षी नरेन्द्र मोदीसँग द्विपक्षीय साझेदारीका विविध विषयमा महत्वपूर्ण छलफल हुनेछ । प्रधानमन्त्री प्रचण्डसँग अन्य भारतीय विशिष्ट व्यक्तिले समेत भेट गर्नेछन्।
प्रधानमन्त्री प्रचण्डले औपचारिक कार्यक्रममा अतिरिक्त उज्जैन र इन्दौर भ्रमण गर्ने कार्यतालिका पनि रहेको छ।
प्रतिक्रिया