काठमाडौं । राष्ट्रपति रामचन्द्र पौडेलले रेशम चौधरीको कैद सजाय माफी दिएका छन् ।
टीकापुर हत्याकण्डको अभियोगमा जन्मकैदको सजाय काटिरहेका चौधरीलाई राष्ट्रपतिले गणतन्त्र दिवसमा बाँकी कैद सजाय माफी दिएका हुन् ।
सरकारको सिफारिसमा राष्ट्रपतिले चौधरीसहित १९जनाको कैद सजाय माफी दिएका हुन् । आज बसेको मन्त्रिपरषद् बैठकले चौधरीको माफीका लागि राष्ट्रपतिलाई सिफारिस गर्ने निर्णय गरेको थियो ।
विभिन्न मितिमा कैद सजाय काटिरहेका कैदीहरुलाई संविधानको धारा २७६ र मुलुकी फौजदारी संहिता कार्यविधि २०७४ को दफा १५९ बमोजिम गणतन्त्र दिवसको उपलक्ष्यमा माफी भएको राष्ट्रपति कार्यालयले जनाएको छ ।
प्रतिक्रिया