काठमाडौं । नेपाल र भारतबीच आज भारतको राजधानी नयाँ दिल्लीमा द्विपक्षीय वार्ता भएको छ।
भारत भ्रमणमा रहेका प्रधानमन्त्री पुष्पकमल दाहाल ‘प्रचण्ड’ र भारतीय प्रधानमन्त्री नरेन्द्र मोदीको नेतृत्वमा दुई देशका प्रतिनिधि मण्डलबीच बिहीबार नयाँदिल्लीको हैदरावाद हाउसमा वार्ता भएको हो।
प्रधानमन्त्री प्रचण्डको भारतीय समकक्षी मोदीसँगको भेट भएलगत्तै उक्त वार्ता भएको हो ।
द्विपक्षीय वार्तामा उर्जा, अर्थतन्त्र, पूर्वाधार, शिक्षा र नागरिकस्तरको सम्बन्धलाई थप मजबुद् बनाउने विषयमा छलफल भएको छ ।
यसअघि प्रधानमन्त्री प्रचण्डलाई भारतीय समकक्षी मोदीले हैदरावाद हाउसमा स्वागत गरेका थिए।
अहिले दुवै देशका प्रधानमन्त्रीको संयुक्त पत्रकार सम्मेलन चलिरहेको छ ।
प्रतिक्रिया