काठमाडौं । नेपाल र भारतबीच सात वटा मुख्य सम्झौता भएका छन् ।
प्रधानमन्त्री पुष्पकमल दाहालको भारत भ्रमणको क्रममा बिहीबार भएको द्विपक्षीय प्रतिनिधिमण्डलबीचको वार्तापछि सम्झौता भएको हो ।
प्रधानमन्त्री प्रचण्ड र भारतीय समकक्षी नरेन्द्र मोदीको उपस्थितिमा सो सम्झौता सार्वजनिक गरिएको छ । सम्झौतापछि आयोजित पत्रकार सम्मेलनमा प्रचण्ड र मोदीले सम्बोधन गर्दै नयाँ सम्झौताले दुई देशको सम्बन्धलाई थप उचाईमा पुर्याएको बताएका छन् ।
सम्झौतामा नेपाल भारत पारवहन सम्झौता नवीकरण, पेट्रोलियम पाइपलाइनलाई अमलेखगञ्जबाट चितवनसम्म ल्याउने र सिलिगुडीबाट झापासम्म पुर्याउने सहमति भएको छ । यसैगरी नेपालको परराष्ट्र मामिला अध्ययन प्रतिष्ठान र भारतको सुषामा स्वराज इन्सटिच्यूटबीच सहकार्य गर्ने, कञ्चनपुरको चाँदनी दोधारामा एकीकृत जाँच चौकी बनाउने सम्झौता भएको छ ।
त्यस्तै, फुकोट कर्णाली भारतीय कम्पनीले बनाउने र तल्लो अरुणको पीडिए गर्ने सम्झौता पनि भएको छ । यसैगरी क्रस बोर्डर पेमेन्स सिस्टम सुरु गर्ने सम्झौता पनि भएको छ ।
प्रतिक्रिया