काठमाडौं। संसद्को अवरोध हटाउन सभामुख देवराज घिमिरेले प्रमुख दलका सचेतकहरूसँग छलफल गरेका छन् ।
संसद भवनस्थित आफ्नो कार्यकक्षमा सभामुख घिमिरेले सबै दलका मुख्यसचेतकहरुसँग छलफल गरेका हुन् ।
राष्ट्रपतिले नागरिकता विधेयक प्रमाणिकरण गरेको र प्रधानमन्त्रीले भारतमा गएर भूमि साट्ने अभिव्यक्ति दिएको भन्दै प्रतिपक्षी दलका सांसदहरुले हिजोको संसद बैठक अवरुद्ध गराएका थिए ।
अवरुद्ध संसद खुलाउन सभमुख घिमिरेले आज प्रधानमन्त्री पुष्पकमल दाहाल प्रचण्डसँग टेलिफोन सम्वाद समेत गरेका थिए ।
प्रधानमन्त्री प्रचण्डले भारत भ्रमणबारे संसदलाई जानकारी गराउने कार्यसूची रहेको संसद् सचिवालयले जनाएको छ ।
प्रतिक्रिया