बुटवल । बुटवल ४ स्थित कान्ति माविले बुटवलको १६ नरेश्वर टोलमा विद्यालयका विद्यार्थीहरुको सहभागितामा २० औं धान दिवस मनाएको छ ।
विद्यालयले पठनपाठनका अतिरिक्त शिक्षालाई सिपसंग जोड्दै व्यवहारिक ज्ञान प्रदान गर्ने उद्देश्यका साथ कार्यक्रम आयोजना गरेको विद्यालयका सह प्रधानाध्यापक पूर्ण भ्रद उपाध्यायले बताए ।
कार्यक्रम विद्यालय सह प्राध्यानाध्यापक पूर्ण भ्रद उपाध्यायको अध्यक्षता, बुटवल उपमहानगर पालिका वडा नं १६ का वडा अध्यक्ष कृष्ण प्रसाद पौडेलको प्रमुख आतिथ्यमा , लुम्बिनी प्रदेश कृषि मन्त्रालयका अधिकृत खगराज पौडेल, स्थानीय समाजसेवी चूडामणि पौडेल, नरेश्वर टोल विकास संस्थाका उपाध्यक्ष कोशि सापकोटा, उज्वल यूवा क्लवका सचिव पंकज शर्माको आतिथ्यतामा र विद्यालयका विद्यार्थी तथा स्थानीय बासीहरूको उपस्थितिमा कार्यक्रम सम्पन्न भएको हो ।
कार्यक्रममा बोल्दै विद्यार्थीहरुलाई व्यवहारिक ज्ञान सिकाउन र कृषिलाई व्यवसायीकरण गराउने शिक्षा विद्यालय तहबाट गराउनु पर्ने कुरा कृषि अधिकृत पौडेलले बताए भने वडा न १६ का वडा अध्यक्षले विद्यालयलाई जून सुकै सहयोग कृषिको क्षेत्रमा गर्ने कुरा बताए । व्यवाहारिक सिप र ज्ञानले विद्यार्थीको पठनपाठन मा प्रत्क्षय प्रभाव पुग्ने हुदा यस्ता कृयाकलापमा विद्यालय अगाडि रहेको अध्यक्ष पौडेलले बताए ।
कार्यक्रममा विद्यालयका कक्षा ६ का संयोजक नारायण सुवेदीको स्वागत मन्तव्य र अतिरिक्त कृयाकलाप विभाग प्रमुख महेश खनालको सञ्चालनमा कार्यक्रम सम्पन्न भएको हो ।
विद्यालयले प्रत्येक शुक्रबार सह तथा अतिरिक्त कृयाकलापलाई प्रथामिकता साथ सञ्चालन गर्दै आएको छ । संसगै विद्यालयमा तहगत रुपमा चित्रकला प्रतियोगिता पनि सम्पन्न गरेको छ ।
प्रतिक्रिया