बुटवल । रुपन्देही जिल्ला शिक्षा समन्वय इकाईका प्रमुख दिपेन्द्र ढकाल शनिबारको दिन सरकारी गाडीको दुरुपयोग गर्दै मदिरा पार्टीमा फेला परेका छन् । सरकारी सवारी साधनको दुरुपयोग गर्दै ढकाल पाल्पाको नुवाकोट पुगेर मदिरा पार्टीमा सहभागी भएको भेटिएका हुन् ।
उनले जिल्ला प्रशासन कार्यालयको अनुमती विना शनिबार सरकारी गाडी लिएर घुमफिर र खानपानमा हिँडेको भेटिएको हो । शनिबार विहान बुटवलबाट केवलकार चढेर वसन्तपुर घुम्न पुगेका उनी दिउँसो पाल्पाको नुवाकोटमा पुगेर मदिरा पार्टीमा रम्दै गरेको फेला परेका छन् ।
उनले शिक्षा समन्वय समितिको बा २ झ १०१० नम्बरको सरकारी गाडी लिएर घुमफिरमा निस्किएका हुन् । आफ्ना केही साथीहरु तथा नीजि विद्यालयका सञ्चालकलाई बोकेर नुवाकोट पुगेका उनले स्कुलको अनुगमनमा निस्किएको र खाजारखानका लागि नुवाकोट पुगेको प्रतिक्रिया दिए पनि शनिबारको अनुगमन र पाल्पाको मदिरा पार्टीले उनको घनाईलाई गलत पुष्टी गरिदिएको छ । शनिबारको दिन बुटवलका केही निजी विद्यालय निरीक्षण गरेको बताउने उनले यसअघि पनि पटक(पटक सरकारी गाडीको दुरुपयोग गरेको आरोप लाग्ने गरेको छ ।
रुपन्देहीका प्रमुख जिल्ला अधिकारी भरतमणी पाण्डेले साउन ६ गते शनिबारका लागि कुनै पास वा अनुमती जारी नगरिएको जानकारी दिए । अनुमति नलिएको अवस्थामा गाडी नियन्त्रणमा लिन ट्राफिक प्रहरीलाई आफुले निर्देशन गरिसकेको प्रमुख जिल्ला अधिकारी पाण्डेले बताए । रुपन्देहीमा सरकारी कामकाजमा सवारी प्रयोग गर्नु परेमा जिल्ला प्रशासन कार्यालयको अनुमति लिनु पर्ने ब्यवस्था गरिएको छ ।
प्रतिक्रिया