पाल्पामा लेबल बिना बेचबिखन हुँदै गरेको ३८ किलो घ्यू बरामद गरि नष्ट गरियो

पाल्पा । पाल्पामा लेबल नलगाई बिक्री वितरण हुँदै गरेको ३८ किलोग्राम घ्यू जफत गरि नष्ट गरिएको छ । तानसेन नगरपालिकाले गरेको अनुगमनमा बिना लेबलिङको घ्यू बिक्री भइरहेको भेटिएपछि बरामद गरि नष्ट गरिएको हो ।

नगरपालिकाको नेतृत्वमा सरोकारवाला कार्यालयका प्रतिनिधिसहित तानसेन बजारमा निस्केको अनुगमन टोलीले बिभिन्न स्थानबाट लेबल बिनाको घ्यू बरामद गरेको थियो । व्यापारीबाट जफत घ्यू सरोकारवालाहरूकै रोहवरमा आज नष्ट गरिएको तानसेन नगरपालिका उपप्रमुख प्रतिक्षा गाहा सिंजालीले बताइन् ।

पाल्पा उद्योग वाणिज्य संघका अध्यक्ष शैलेन्द्र भट्टराइले लेबल नलगाएको घ्यू बिक्रि गरेको अवस्थामा भेटिएकोले नष्ट गरिएको बताए ।