बुटवल । पहिरोले अवरुद्ध भएको सिद्धार्थ राजमार्ग अन्तर्गत बुटवल पाल्पा सडक खण्ड एक तर्फिरुपमा खुलेको छ । राजमार्ग अन्तर्गत पाल्पाको तिनाउ गाउपालिका-३ स्थित निर्माणधिन सिद्धबाबा सुरुङमार्गको रिपमाथी पहिरो खस्दा सडक अवरुद्ध भएको थियो ।
आज बिहान करिब पौने ८ बजेदेखि निर्माणधिन सिद्धबाबा सुरुङमार्गको रिपमाथी ठूलो ढुङ्गा सहितको पहिरो खसेकाले केहि समय सडक पूर्ण रुपमा अवरुद्ध भएपनि अहिले एक तर्फि खुलेको प्रहरी चानैकी दोभानका सइ कमल थापाले जानकारी दिए ।
सडक अवरुद्ध भएपछि बुटवलदेखि पाल्पा, गुल्मी, स्याङ्जा, पोखरा, बागलुङ लगायतका ठाउँका लागि छुटेका सवारी साधनहरु बीच बाटोमै अलपत्र परेका थिए भने ती स्थानहरुबाट आएका सवारी साधनहरु पनि बीचमै अलपत्र परेका थिए । पहिरोलाई हटाएर सडक खुलाउने प्रयास जारी रहेको प्रहरीले जनाएको छ ।
प्रतिक्रिया