बुटवल । स्थानीय तहमा जनस्वास्थ्य अधिकृतको विज्ञापन लोकसेवाको माध्यमबाट गर्न प्रजातान्त्रिक जनस्वास्थ्य संघले माग गरेको छ। प्रजातान्त्रिक नेपाल जनस्वास्थ्य संघ, लुम्बिनीको आज बुटवलमा बसेको बैठकले स्थानजीयतहमा जनस्वास्थ्य अधिकृतहरुको विज्ञापन गरि पदपुर्ति गर्न माग गरेका हो ।
बैठकमा लुम्बिनी प्रदेशका जनस्वास्थ्य कर्मीहरुको समस्याहरुको पहिचान गर्नुका साथै जनस्वास्थ्य कर्मीहरुको रोजगारीको ब्यबस्थापनको विषयमा छलफल भएको संघले जनाएको छ । स्थानीय तहमा जनस्वास्थ्य अधिकृतहरुको लोकसेवा द्वारा बिज्ञापन गर्न तथा सरकारी तथा गैरसरकारी संस्थाहरुमा जनस्वास्थ्यकर्मीको रोजगारीका विषयमा छलफल भएको संघका सचिब नरेश श्रेष्ठ वताए ।
स्वास्थ्यमन्त्रीका सल्लाहकार हरि पुनको प्रमुख आतिथ्य, प्रदेश कार्यसमितकाका अध्यक्ष निरञ्जन पोखरेलको अध्यक्षता तथा जिल्ला स्वास्थ्य कार्यलय रुपन्देहीका प्रमुख गौरब ढकालको विशेषज्ञ आतिथ्यतामा बैठक बसेको श्रेष्ठले जानकारी दिए ।
प्रतिक्रिया