ललिता निवास प्रकरण : पूर्वप्रधानमन्त्री माधव नेपालसँग पनि गर्‍यो सीआईबीले सोधपुछ

काठमाडौं । ललिता निवास प्रकरणमा छानबिन गरिरहेको नेपाल प्रहरीको केन्द्रीय अनुसन्धान ब्यूरो सीआईबीले पूर्वप्रधानमन्त्री माधवकुमार नेपालसँग पछि सोधपुछ गरेको छ ।

सीआईबीले पूर्वप्रधानमन्त्रीद्वय नेपाल र बाबुराम भट्टराईसँग गएराति सोधपुछ गरेको हो । यसबारे भट्टराईले भने आफुले सीआईबीलाई जवाफ दिएको सामाजिक सञ्जालबाट जानकारी गराइसकेका छन् ।

सीआईबीले अनुसन्धान सकेर सरकारी वकिललाई अनुसन्धान प्रतिवेदन हिजै बुझाउने तयारी गरेको भनिएको थियो । तर, तत्कालिन मन्त्रिपरिषद्को नेतृत्वका हैसियतले ललिता निवासको जग्गा हिनामिना गर्न पूर्वप्रधानमन्त्रीहरु जिम्मेवार रहेको भन्दै उनीहरुमाथि सोधपुछसम्म नगरेको भन्दै सीआईबीको आलोचना भएको थियो ।