भैरहवा । एनएमबि बैंक भैरहवा शाखाले वित्तीय साक्षरता कार्यक्रम सप्पन्न गरेको छ । रुपन्देहीको तिलोत्तमा नगरपालिका (१६ कोटिहवा अवस्थित पशुपति कलेजका प्लस टु व्यवस्थापन विषयमा अध्यनरत विद्यार्थीहरुलाइ वित्तीय साक्षरता प्रदान गरेको हो ।
बैंकका आरएम इम्रान खान, बिडिएम जनार्जन पाण्डे र एआरम रौनक गुरुङले सो वित्तीय साक्षरता कार्यक्रमको सहजीकरण गरेका थिए ।
उनीहरुले युवा उद्दमशिलता, पैसाको बचत, लगानी, परिचालन, आयआर्जनका वैकल्पिक अवसरहरु तथा बैंकको महत्त्व, दैनिक जीवनमा बैंकको प्रयोग, डिजिटल बैकिङ्ग, बैंकिङ्ग फ्रड र फ्रडबाट सुरक्षित रहने उपायहरु, एनएमबि स्मार्ट नारी बचत खाता, संसारभरबाट एनएमबि बैंकमा खोलिने भिडियो कल खाता, लुम्बिनी बचत खाता बारे जानकारी, शेयरकारोबार सम्बन्धि ज्ञान, सिस्टोमेटिक इन्भेस्टमेन्ट प्लान (एसआइपि) तथा एनएमबि बैंकले प्रदान गर्ने अन्य बैकिङ्ग सेवा सुबिधाको बारे अभिमुखिकरण गराएका थिए ।
कार्यक्रममा कलेजका अध्यक्ष अर्चित श्रेष्ठ तथा क्याम्पस प्रमुख बेदप्रसाद भट्टराईले एनएमबि बैंकले प्लस टु लेभल व्यवस्थापन तहमा अध्यनरत विद्यार्थी भाइबहिनीहरुलाइ वित्तीय साक्षरता जस्तो महत्त्वपूर्ण कार्यक्रम गरेकोमा धन्यवाद व्यक्त गरेका थिए ।
वित्तीय साक्षरता कार्यक्रममा सहभागी विद्यार्थीहरुले बचत, लगानी, डिजिटल बैकिङ्ग, युवा उद्दमशिलताको सृजना, सन्चालन र सफलताबारे व्यवहारिक ज्ञान सिकेको बताएका थिए ।
प्रतिक्रिया