काठमाडौं । क्रिकेटर सन्दीप लामिछाने एसिया कप खेल्नका लागि पाकिस्तान गएका छन्।
लामिछाने सोमबार बिहान त्रिभुवनअन्तराष्ट्रिय विमानस्थल हुँदै पाकिस्तान उडेका हुन्। उनी कतारको दोहा हुँदै लामिछाने पाकिस्तान पुग्नेछन् ।
बालिका बलात्कार मुद्दा खेपिरहेका लामिछानेको आइतबार पेसी भएपनि मुद्दाको सुनुवाइ नभएपछि उनी सोमबार बिहान पाकिस्तान गएका हुन् ।
राष्ट्रिय खेलकुद परिषद्का सदस्य सचिव टंकलाल घिसिङले विमानस्थलमै पुगेर लामिछानेलाई बिदाई गरेका छन् ।
आफ्नो मुद्दामाथिको पेसी भएकै कारण लामिछाने राष्ट्रिय क्रिकेट टोलीका अन्य सदस्यसँगै जान पाएका थिएनन् । राष्ट्रिय क्रिकेट टोलीका सबै सदस्यहरु यसअघि भदौ ५ गते नै पाकिस्तान पुगिसकेको छ ।
नेपालले यही मंगलबार भदौ १३ गते पाकिस्तानसँग र १८ गते भारतसँग प्रतिस्पर्धा गर्नेछ ।
प्रतिक्रिया