बुटवल । बुटवलको प्रतिष्ठित गणपति मिष्ठान्नको छौठौं फ्रेन्चाइज बुटवलको देवीनगरमा शुभारम्भ हुने भएको छ । व्यावसायी मेघराज पन्थले डेढ करोड रुपैयाँको लगानीमा फ्रेन्चाइजका रुपमा गणपतिको शाखा देवीनगरमा शुभारम्भ गर्न लागेका हुन ।
शाखाको सोमबार बुटवल उपमहानरपालिकाका प्रमुख खेलराज पाण्डेले शुभारम्भ गर्ने कार्यक्रम तय गरिएको छ । विगत लामो समय देखि सैनामैना नरपालिका वडा नम्बर १ मा पशुपालन फार्म सञ्चालन गर्दै आएका मेघराज पन्थको करिव डेढ करोड एक लगानीमा देवीनगरमा उक्त शाखा शुभारम्भ हुन लागेको हो ।
फार्ममा उत्पादित दुध, दही घ्यूबाट शुद्ध परिकार पस्कीने गरी यो शाखा शुभारम्भ गरिएको उनले जानकारी दिए । आईतबार पत्रकार सम्मेलनको आयोजना गरी पन्थले निकट भविश्यमा डेरी जन्य खाद्यान्न समेत उत्पादन गर्ने गरी फार्म र बुटवलको मिष्ठान्न भण्डारलाई जोडर अगाडी बढ्न लागेको जानकारी दिए ।
सत प्रतिशत शुद्ध नेपाली घ्यूबाट उत्पादित २१ वटा मिठाई र २३ वटा फाष्टफुडका परिकारहरु पस्किने गरी मिष्ठान्न सञ्चालनमा ल्याउन लागेको उनको भनाई रहेको छ ।
सैनामैनामा रहेको उनको फार्ममा अहिले १ सय १५ वटा गाई र ४ वटा भैसी रहेका छन् भने दैनिक ३ सय लिटर दुध उत्पादन हुदै आएको छ । देवीनगरको मिष्ठान्न भण्डारमा उनले ११ जनालाई प्रत्यक्ष रुपमा रोजगारी दिएका छन् । पछि डेरी जन्य उत्पादन गर्दा थप २५ देखि ३० जनालाई रोजगारी दिने योजना रहेको जानकारी दिए । पहिलो चरणमा आम्दानीको १ प्रतिशत रकम सामाजिक क्षेत्रमा लगाउने समेत योजना रहेको सञ्चालक पन्थले जानकारी दिए ।
प्रतिक्रिया