काठमाडौं । इलेक्ट्रिक चुरोट ‘भेप’मा मार्फत सुन तस्करी गरेको घटनाका मुख्य आरोपीका ड्राइभरलाई प्रहरीले पक्राउ गरेको छ ।
प्रहरीको केन्द्रीय अनुसन्धान ब्यूरोले ९ किलो सुन तस्करी प्रकरणमामा मुख्य आरोपी मानिएका चिनियाँ नागरिक दावोजिन वाङका गाडी चालक लोकेन्द्र पौडेललाई पक्राउ गरेको हो । उनलाई केही दिनअघि नै पक्राउ गरिए पनि आजमात्र यसबारे समाचार सार्वजनिक भएको हो । यसअघि यही प्रकरणमा सीआईबीले गत भदौ १३ गते कृष्णबहादुर महराका छोरा राहुल महरा पक्राउ गरेको थियो । राहुल अहिले पनि थुनामै छन् । यस्तै, कृष्णबहादुर महरासँग पनि सुन तस्करी प्रकरणबारे प्रहरीले बयान कागज गराएको छ ।
त्रिभुवन अन्तर्राष्ट्रिय विमानस्थल हुँदै दाओजिन सहितका चिनियाँ नागरिकले २०७९ पुस १० मा दुबईबाट तस्करी गरेर सुन काठमाडौँमा ल्याएका थिए । तर, भन्सार कार्यालयमा नियमित जाँचका क्रममा माघ २९ गते दुई वटा सुटकेशभित्र ७३ बट्टामा ७३० वटा भेप बरामद भएको थियो ।
प्रतिक्रिया