इजरायलबाट घाइते नेपाली सहित २५४ बिद्यार्थीलाई आज नेपाल ल्याइँदै

काठमाडौं । इजरायलवाट नेपाल फर्कन चाहेका विद्यार्थी आज स्वदेश आउने भएका छन् ।

प्यालेस्टाइनी अतिवादी समुह हमासले गरेको आक्रमण पछि युद्धरत रहेको इजरायलवाट नेपाल फर्कन चाहेका विद्यार्थी आज स्वदेश आउने भएका हुन ।
इजरायलमा रहेका नेपाली विद्यार्थीको उद्धारका लागि नेपाल वायु सेवा निगमको जहाज गएराति त्यसतर्फ प्रस्थान गरेको थियो । आज इजरायलबाट नेपाली बिद्यार्थीसहित युद्धमा घाइते नेपालीहरुहरुलाई पनि नेपाल ल्याइने सरकारले जनाएको छ ।

परराष्ट्र मन्त्रालयका अनुसार नेपालीहरुलाई लिन गएको बिमान आज साँझ त्रिभुवन अन्तर्राष्ट्रिय विमानस्थलमा अवतरण गर्नेछ । मन्त्रालयका अनुसार पहिलो चरणमा २५४ जना विद्यार्थीलाई नेपाल ल्याउन लागिएको हो ।