काठमाडौं। नेपाल प्रहरीले ठुलो संख्यामा प्रहरी निरीक्षक र प्रहरी सहायक निरीक्षकको भर्ना खोलेको छ । नेपाल प्रहरी तर्फ प्रहरी निरीक्षक (इन्स्पेक्टर) र प्रहरी सहायक निरीक्षक (असई)मा नयाँ भर्ना खोलेको हो ।
प्रहरी प्रधान कार्यालय नक्सालले प्रकाशित गरेको सूचना अनुसार इन्सपेक्टरमा ९६ र असईमा २६० जनाका लागि भर्ना खुलेको छ ।
दरखास्त फारम आउँदो मंसिर २९ गतेसम्म भर्नसकिने गरि तोकिएको सूचनामा उल्लेख गरिएको छ । इन्स्पेक्टरमा अनलाइनबाट पनि दरखास्त दिन सकिने व्यवस्था गरिएको छ भने असईमा दरखास्त दिन भने व्यक्ति स्वयं उपस्थित हुनुपर्ने प्रहरी प्रधान कार्यालयले जानकारी दिएको छ।
प्रतिक्रिया