काठमाडौं । त्रिकोणात्मक टी-२० श्रृंखलामा हङकङले यूएईलाई पराजित गरेको छ । आजको खेल जिते पनि हङकङ फाइनलमा भने पुग्न सकेन ।
६९ रनले हराएको हङकङलाई रन रेटका आधारमा पछि पार्दै यूएई फाइनलमा पुग्न सफल भएको हो ।
मुलपानी क्रिकेट मैदानमा बुधबार टस जितेर पहिलो ब्याटिङ गरेको हङकङले तीन विकेटको क्षतिमा २१२ रन बनाएको थियो । हङकङका लागि मार्टिन कोट्जीको ८६ रन बनाए ।
जवाफी व्याटिङमा उत्रिएको यूएईले २० ओभरसकिँदा पाँच विकेट गुमाएर १४३ रन मात्र बनाउन सक्यो ।
अब नेपालसँग यूएईले शुक्रबार फाइनल खेल्नेछ । नेपाल यसअघि नै आठ अंकका साथ शिर्ष स्थानमा रहँदै फाइनमा प्रवेश गरिसकेको छ ।
प्रतिक्रिया