११ फाल्गुन २०८०, शुक्रबार | February 23, 2024

बुटवलका नगरप्रमुख र प्रशासकिय अधिकृतबीच विवाद, बुटवल आएको २ महिना नबित्दै फर्के प्रशासकिय अधिकृत



बुटवल । बुटवल उपमहानरपालिकामा प्रमुख प्रशासकिय अधिकृत लामो समय बस्न नसक्ने पुरानो परम्परा जस्तै बनेको छ । प्रमुख प्रशासकिय अधिकृतको दिगोपन नहुँदा कतिपय योजनाहरु अलपत्र पर्ने गरेको पनि उपमहानगरकै कर्मचारीहरुले बताउने गरेका छन् ।

पछिल्लो समय सरुवा भएर आएका अधिकृत विष्णु प्रसाद भुसाल पनि आएको २ महिना नपुग्दै बुटवल नफर्कने गरि काठमाडौं फर्केको उपमहानगर स्रोतले दाबी गरेको छ । अनुदान वितरणको विषय सहित करार कर्मचारी नियुक्ति लगायतको विषयमा नगर प्रमुख खेलराज पाण्डे र प्रशासकिय अधिकृतबीच कुरा नमिलेपछि अधिकृत भुसाल कार्यालय छाडेर काठमाडौं गएको स्रोतले बतायो ।

मेयर पाण्डे र प्रशासकिय अधिकृतबीच करार कर्मचारीलाई हटाएर मेयर निकटका व्यक्तिहरुलाई कानून विपरित नियुक्ति गर्न तथा आर्थिक कार्यबिधि विपरित अनुदान वितरणको  विषयमा विवाद भएपछि प्रशासकिय अधिकृत बुटवल नफर्कने गरि काठमाडौं गएको बताइएको छ । भूकम्प पीडितलाई राहत पठाउने प्रक्रियाको विषयमा पनि दुईजनाबीच कुरा नमिलेको स्रोतको दाबी छ ।

कार्यपालिकाको बैठकबाट हुनुपर्ने निर्णयहरु मेयरले त्यस अगावै कार्यान्वयनमा ल्याउन दवाव दिएपछि दवाव खप्न नसकेर भुसाल काठमाडौं फर्केको स्रोतको दाबी छ ।

बुटवल उपमहानगरको कार्तिक २१ गते बुधबार कार्यपालिका बैठक बोलाइएको छ । बैठकको अघिल्लो दिन मँगलबार नै भुसाल काठमाडौं हिँडेका छन् ।

विवादका बिषयमा प्रशासकिय अधिकृत भुसालसँग पटक पटक सम्पर्क गर्न खोज्दा उनले मोबाइल उठाएनन् भने उपमहानगर प्रमुख पाण्डेले अधिकृत काठमाडौं गएको विषयमा आफुलाई केही थाहा नभएको बताए । उनले कुनै विवाद पनि नभएको र भुसाल काठमाडौं गएको विषय आफुलाई जानकारी पनि नभएको बताए ।

भुसाल गत असोज ७ गते मात्र उद्योग मन्त्रालयबाट सरुवा भई बुटवल उपमहानगरमा हाजिर हुन आएका थिए । छोटो समयमै उनले बुटवल छाड्ने निर्णयले पनि उनीहरु बीच विवाद रहेको पुष्टि भएको छ । यस अघिका प्रशासकिय अधिकृत पनि नगरप्रमुखसँग कुरा नमिलेपछि आफै सरुवा मागेर जाने गरेको चर्चा सेलाउन नपाउँदै राजनीतिक ध्रुव मिलाएर मेयर पाण्डे आफैले बोलाएका भनिएका भुसालको फिर्ता जाने प्रयासलाई अर्थपूर्णरुपमा हेरिएको छ ।

 

प्रकाशित मिति : २१ कार्तिक २०८०, मंगलबार  ९ : ४२ बजे

सुशासन, सामाजिक न्याय र समृद्धिको यात्रा नै समाजवादको यात्रा : प्रधानमन्त्री प्रचण्ड

काठमाडौं । प्रधानमन्त्री पुष्पकमल दाहाल ‘प्रचण्ड’ ले सुशासन, सामाजिक न्याय

भ्रष्टाचारको प्रभावकारी नियन्त्रण गर्न सरकार लागि परेको छ : गृहमन्त्री श्रेष्ठ

नेपालगञ्ज  ।  उपप्रधान एवं गृहमन्त्री नारायणकाजी श्रेष्ठले भ्रष्टाचारको प्रभावकारी नियन्त्रण

आइएमई पेको नयाँ सुविधा, स्मार्ट हेल्थ सुरक्षित भव नामक डिजिटल बिमा फिचर

काठमाडौ। आइएमई पेले आइजीआई प्रुडेन्शियल इन्स्योरेन्स सँगको सहकार्यमा स्मार्ट हेल्थ

ग्लोबल आइएमईको नयाँ एक्सटेन्सन काउन्टर चाबहिलस्थित पशुपति क्याम्पसमा

काठमाडौ । ग्लोबल आइएमई बैंक लिमिटेडले काठमाडौँ महानगरपालिका वडा नं.

संसदमा संयमता र धैर्यताका प्रस्तुत होऔँ : रमेश लेखक

काठमाडौं । नेपाली कांग्रेसका प्रमुख सचेतक रमेश लेखकले संसद्मा कुनै