नेपाल प्रहरीका सई ३० हजार घुस लिँदालिँदै अख्तियारको फन्दामा

नेपालगन्ज । ईलाका प्रहरी कार्यालय, मैनापोखर बर्दियाका प्रहरी नायव निरीक्षक (सई) पवन साउद घुससहित पक्राउ परेका छन् । सेवाग्राहीसँग ३० हजार घुस लिँदैगर्दा सई साउदलाई अख्तियारको टोलीले पक्राउ गरेको हो ।

लागू औषधको मुद्दा मिलाइदिने कार्यमा सहजीकरण गरिदिने प्रयोजनको लागि सेवाग्राहीसँग घुस माग गरिरहेको भन्‍ने सूचना एवं उजुरी निवेदनका आधारमा अख्तियार दुरुपयोग अनुसन्धान आयोगको कार्यालय, बुटवल, सम्पर्क कार्यालय नेपालगन्जबाट खटिई गएको टोलीले साउदलाई पक्राउ गरेको हो ।

पक्राउ परेका सई साउद ईलाका प्रहरी कार्यालय मैनापोखरको मुद्दा फांटमा कार्यरत छन् ।