पृथ्वीनारायणको शालिक अनावरण गर्न पूर्वराजा ज्ञानेन्द्र कपिलवस्तु आउँदै

कपिलवस्तु । पूर्व राजा ज्ञानेन्द्र शाह पृथ्वीनारायण शाहको सालिक अनावरणका कपिलवस्तु आउनेभएका छन् ।

शिवराज नगरपालिका–३ खरेन्द्रपुर चोकमा स्थापना गरिएको सालिक अनावरणका लागि पूर्व राजा शाह कपिलवस्तुको आउन लागेको शिवराज नगरपालिकाका नगर प्रमख अजय थापाले जानकारी दिए।

पुस १४ गते शिवराजको खरेन्द्रपुरमा पृथ्वीनारायण शाहको सालिक अनावरण गर्न लागिएको हो ।

पृथ्वीनारायण शाहले जंगी घोडा चढेको सालिक शिवराज नगरपालिकाले निमार्ण गरेको हो । पूर्व राजाको कार्यक्रम व्यवस्थापन र तयारीका सबै पुरा भएको थापाले बताए ।

नेपाल एकिरण गरेर नेपाललाई विश्वभर चिनाउने काम गरेका शाहको इतिहास सधै सम्झनाको लागि शालिक निमार्ण गरिएको नगर प्रमुख थापाले बताए ।

पूर्व राजा शाहले शिवराज नगरपालिकामा रहेको स्वर्गद्धारी आश्रममा पूजा गर्ने र पूजागरेपछि सालिको अनावरण गर्ने कार्यक्रम रहेको छ ।