बुटवल । तिलोत्तमामा दिनदहाडै हातहतियार लिएर हिँडिरहेका २ जनालाई प्रहरीले पक्राउ गरेको छ । मध्यान्ह २ बजेको समयमा तिलोत्तमा नगरपालिका ८ गणेशनगर करैया सामुदायिक वन क्षेत्रमा हातहतियार लिई हिँडेका दिपक परियार र कर्ण बहादुर परियारलाई हातहतियार सहित प्रहरीले पक्राउ गरेको हो ।
गोप्य सूचनाको आधारमा परिचालन गरिएको प्रहरी टोलीले परियार द्वयबाट भरुवा बन्दुक नाल-२, धातुको गोलीरछर्रा ३२ थान, फलामको काटिएको स-साना छर्रा ११० थान, बारुद जस्तो देखिने कालो धुलो पदार्थ, फलामको विनेट थान-१, ११ नम्बर पाना थान-१, ११ नम्बरको रेन्चि थान-१, हसिँया थान-१, चक्कु थान-१, दाउ थान-१ बरामद भएको इलाका प्रहरी कार्यालय बुटवलका प्रमुख डीएसपी दानबहादुर थापाले बताए ।
पक्राउ परेकाहरुलाई हातहतियार खरखजना सम्बन्धि कसुरमा मुद्दा दर्ता गरी थप अनुसन्धान भईरहेको प्रहरीले जनाएको छ ।
प्रतिक्रिया