उड्नै लागेको बुद्ध एयरको जहाजको आपतकालिन ढोका खुलेपछि …

पोखरा । पोखराबाट काठमाडौँ उड्ने तयारीमा रहेको बुद्ध एयरको जहाजको इमरजेन्सी ढोका यात्रुले खोलिदिएपछि उडान रोकेर अनुसन्धान थालिएको छ । बुद्ध एयरको उडान नं. ६५२ का जहाजको इमर्जेन्सी ढोका रनवेबाट उड्ने बेलामा खुलेपछि उडान रोकेर अनुसन्धान थालिएको हो ।

अकस्मात ढोका खुलेपछि यसबारे पोखरा टर्मिनलका सुरक्षाकर्मीले जाँचबुझ गरिरहेको बुद्ध एयरले जनाएको छ । प्राविधिक टोलीले जहाजको चेकजाँच गरिरहेको र सो जहाजमा चढेका यात्रुलाई अर्को जहाजबाट काठमाडौँ पठाइएको विमानस्थलले जनाएको छ ।

कुन यात्रुले ढाको खोल्न बेल्ट दबाएकाहुन् भन्ने विषयमा खुलाइएको छैन । ढोका खुलेको जहाजलाई पार्किङ स्थलमा राखेर प्राबिधिक परिक्षण सुरु गरिएको बुद्ध एयरले जनाएको छ ।