बुटवल । भैरहवाको कलौनीबाट लागु औषध ब्राउन सुगर सहित १ जनालाई प्रहरीले पक्राउ गरेको छ । लागु औषधको कारोबार हुँदै गरेको सूचनाका आधारमा पुगेको रुपन्देही प्रहरीले १६ ग्राम ९०० मिलिग्राम ब्राउन सुगर सहित रुपन्देही मर्चवारी ४ का २१ वर्षीय गोपी किसन चौधरीलाई प्रहरीले पक्राउ गरेको हो ।
पक्राउ परेका चौधरीलाई सोधपुछ तथा शरिर खानतलासी गर्दा ज्याकेटको बायां तर्फको भित्री खल्तीमा ११ वटा पुरिया बनाएको लागु औषध ब्राउनसुगर फेला परेको प्रहरीले जनाएको छ ।
प्रहरीका अनुसार बरामद भएको ब्राउनसुगरको खुद तौल १६ ग्राम ३०० मीललीग्राम रहेको तथा पक्राउ परेका चौधरीलाई म्याद लिएर थप अनुसन्धान कार्य भईरहेको छ ।
प्रतिक्रिया