बुटवल । पूर्वपश्चिम राजमार्गको रुपन्देहीस्थित भलुही जङ्गलमा स्कुटर खाल्डोमा खस्दा एक जनाको मृत्यु भएको छ ।
खैरेनीबाट बुटवलतर्फ आउँदै गरेको लु ६७ प ७००४ नम्बरको स्कुटर आज बिहान आफै अनियन्त्रीत भई जिल्ला देवदह नगरपालिका १० भलुहीको जङ्गलमा पर्ने सडक खण्डमा बन्दै गरेको बाटोको पुलको खाल्डोमा खस्दा एकजनाको मृत्यु भएको हो ।
मृत्यु हुनेमा देवदह नगरपालिका वडा नं. ८ बनकिट्टाका निराजन श्रीष मगर रहेका छन् ।
दुर्घटनाबाट गम्भीर घाईते भएका मगरलाई उपचारका लागि लुम्बिनी प्रादेशिक अस्पताल बुटवल ल्याईएकोमा उपचारको क्रममा मृत्यु भएको प्रहरीले जनाएको छ ।
प्रतिक्रिया