नेपालगन्ज । नेपालगन्जमा अबैध रुपमा संचालनमा रहेको इ-रिक्साहरुलाई नेपालगन्ज उपमहानगरपालिकाले ‘जेसीबी’ लगाएर नष्ट गर्न सुरु गरेको छ । बिना कागजपत्र र बिना दर्ता संचालनमा रहेको इ-रिक्साहरु नियन्त्रणमा लिएर आवश्यक कागजपत्र सहित दर्ता गर्न लामो समयदेखि ताकेता गर्दा पनि रिक्साधनीहरु सम्पर्कमा नआएपछि उपमहानगरले ‘जेसीबी’ लगाएर रिक्सा नष्ट गर्न थालेको हो ।
आवश्यक कागजात र वैधता नदेखिएपछि अवैध इ-रिक्सा नष्ट गर्न सुरु गरिएको नेपालगन्ज उपमहानगर प्रमुख प्रशान्त विष्टको सचिवालयले जनाएको छ ।
नगरमा अवैध इ-रिक्सा गुड्न पूर्णरूपमा प्रतिबन्ध लगाउने अभियान अन्तर्गत आज पहिलो दिन ५ वटा इ-रिक्सा नष्ट गरिएको र यो क्रम अब निरन्तर जारी रहने नगर प्रमुख प्रशान्त विष्टले बताए । नष्ट गरिएका इ-रिक्सा नष्ट गरेर कबाडमा दिइने उनले बताए ।
उपमहानगरका अनुसार नेपालगन्जमा सञ्चालनमा रहेका इ-रिक्साहरुलाई आवश्यक कागजात सहित उपमहानगरमा दर्ता गर्नका लागि पटक पटक सूचना गर्दापनि रिक्सा धनीहरु सम्पर्कमा नआएपछि नष्ट गर्नु परेको हो ।
प्रतिक्रिया