एमाले उपाध्यक्ष बिष्णु पौडेलको अगुवाईमा बुटवल गोलपार्क-बसन्तपुर ‘हाइकिङ’ सुरु

बुटवल । बुटवल र यस आसपासका पर्यटकीय क्षेत्रको प्रचार गर्न भन्दै नेकपा एमालेको भातृ संगठन युवा संघ नेपालको आयोजनामा पदयात्रा गरिएको छ । राष्ट्रिय युवा संघ नेपाल रुपन्देही जिल्ला कमिटीको आयोजनामा सनिवार बिहान बुटवलको गोलपार्क देखि पाल्पाको बसन्तपुरसम्मको पैदलयात्रा सूरु गरिएको हो ।

समृद्धिको लागि पर्यटन प्रवर्द्धन नारा दिईएको हाइकिङ्ग यात्राको अगुवाई नेकपा एमाले उपाध्यक्ष एवं पुर्व उपप्रधान तथा अर्थमन्त्री बिष्णु पौडेलले गरेका छन्। पदयात्रामा नेकपा एमाले पोलिटब्युरो सदस्य लिला गिरी, माधव शर्मा, खिमलाल भट्टराई, केन्द्रिय सदस्य, शावित्रा अर्याल गोमा देवी आचार्य, प्रतिनिधि सभा सदस्य बासुदेव घिमिरे, जिल्ला अध्यक्ष तेजेन्द्र केसी,युवा संघका नेता तथा कार्यकर्ताहरुको सहभागीता रहेको छ।

बुटवल र यस आसपास प्रयाप्त पर्यटकीय सम्भावना रहेको र पर्यटकीय क्षेत्रको प्रचार प्रसारका लागि पदयात्रा आयोजना गरिएको आयोजक राष्ट्रिय युवा संघ नेपाल रुपन्देहीका अध्यक्ष बिकासजंग बस्नेतले बताए।