काठमाडौं । सर्टिफाइड कलेज अफ अकाउन्टेन्सी (सीसीए)ले आईएसओ सर्टिफिकेट पाएको छ।
नेपालमा एसीसीए पढाउने कलेजहरु मध्ये सीसीएले पहिलो पटक आईएसओ सर्टिफिकेट पाएको हो । कलेजको उत्कृष्ट शिक्षा, व्यावहारिक पठनपाठन तथा विद्यार्थीको उत्कृष्ट नतिजाका कारण सीसीएले आईएसओ ९००१ः२०१५ सर्टिफिकेट पाउने पहिलो एसीसीए कलेज बनेको कलेजका निर्देशक मनिष शर्माले बताए ।
शर्माले आफ्नो कलेजले उपयुक्त वातावरण र पूर्वाधारका साथ नेपालमा गुणस्तरीय एसीसीए शिक्षा प्रदान गर्दै आइरहेको दाबी गरे ।
आईएसओलाई विश्वभर मान्यता प्राप्त गुणस्तरीय मापदण्डको सूचक मानिन्छ ।
आईएसओ प्रक्रियाका लागि कलेजको सम्पूर्ण वातावरण, पूर्वाधार, शिक्षण विधि, विद्यार्थी सहयोग कक्ष र समग्र व्यवस्थापन सूचक राम्रो हुनुपर्छ ।
कलेजका निर्देशक शर्माले नेपालमा पहिलोपटक आईएसओ मान्यता पाउने कलेज बनेकाले सीसीए गुणस्तरीय शिक्षामा अब्बल रहेको प्रमाणित भएको बताए। उनले भने, ‘यो हासिलले हामी सबै कोणबाट उत्कृष्ट रहेको र शिक्षाको लागि अन्तर्राष्ट्रिय मापदण्ड पूरा गरेको भन्ने उदाहरण हो।’
प्रतिक्रिया