रुपन्देहीको गिद्धेभीरमा टिप्पर दुर्घटना हुँदा आमाछोरीको मृत्यु

बुटवल। रुपन्देहीको गिद्धे भीरमा टिपर दुर्घटना हुँदा एकाघरका आमाछोरीको मृत्यु भएको छ । देवदहको खैरेनीदेखि पाल्पाको माथागढी बालुवा लिएर जाँदै गरेको लु २ ख ४५०९ नम्बरको टिपर विपरीत दिशाबाट आउँदै गरेको सवारीलाई साइड दिने क्रममा देवदह नगरपालिका-६ स्थित गिद्धे भीरमा दुर्घटना हुँदा आमाछोरीको मृत्यु भएको हो ।

दुर्घटनामा परी माथागढ़ी गाउँपालिका ६ रहबासका ३५ वर्षीया भिमिसरा सारु र उनकी ६ वर्षीषा छोरी सरस्वती सारुको मृत्यु भएको राजर्माग सुरक्षा तथा सडक व्यवस्थापन कार्यालय बुटवलले जानकारी दिएको छ ।

टीपर चालक देवदह नगरपालिका-७ का २७ वर्षीय सुकदेव वारघरे र माथागढ़ी गाउँपालिका-६ की २२ वर्षीया सृजना सारु घाइते भएका छन् । टिपर प्रहरी नियनत्रणमा रहेको र घाइते चालकलाई निगरानीमा राखेर घटनाको अनुसन्धान सुरु गरिएको प्रहरीले जनाएको छ