नेपालगन्ज । नेपालगन्जमा बिभिन्न स्थानमा पार्किङ गरिराखेको इ-रिक्सा चोरी गर्ने तथा अस्पतालहरुमा बिरामीका कुरुवाको मोबाइल चोरी गर्ने चोरहरुलाई बाँके प्रहरीले पक्राउ गरेको छ । बिभिन्न चोरीका घटनामा संलग्न चोरहरुलाई प्रहरीले फरक फरक स्थानबाट पक्राउ गरेको हो ।
प्रहरीका अनुसार गत माघ ३ गते रातको ११:५० बजेको समयमा नेपालगन्ज ९ स्थित घरमा चार्जमा जोडेर पार्कीङ गरि राखेको ई-रिक्सा तार काटि चोरी गर्ने क्रममा नेपालगन्ज १५ का गुड्डु जसगढलाई तार काट्ने औजार सहित प्रहरीले पक्राउ गरेको छ भने माघ ४ गते रातको ९:०० बजे नेपालगन्ज १० भृकुटिनगरबाट पार्किङ गरि राखेको ने १ ह १०३६ नम्बरको ई-रिक्सा चोरी गरेर भाग्दै गरेका नेपालगन्ज राजु जसगढले ई-रिक्सा चोरी गरि लैजादै गरेको अवस्थामा प्रहरीले पक्राउ गरेको छ ।
त्यसैगरि माघ ४ गते मध्यान्ह २ बजे नेपालगन्जज मेडिकल कलेजमा उपचारको क्रममा आएका बिरामी तथा कुरुवाहरुको मोबाईल चोरी गरि भाग्ने क्रममा जिल्ला नेपालगन्ज २२ का हकिकत अली किङ्गरियालाई पनि प्रहरीले पक्राउ गरेको जनाएको छ । पक्राउ परेकाहरुलाई चोरी कसुरमा अनुसन्धान भइरहेको प्रहरीको भनाई छ ।
प्रतिक्रिया