१५ फाल्गुन २०८०, मंगलबार | February 28, 2024

लुम्बिनी प्रदेश लन टेनिस संघमा संजय प्रकाश श्रेष्ठ



बुटवल । लुम्बिनी प्रदेशमा पहिलो पटक प्रदेश स्तरिय लन टेनिस संघ गठन भएको छ । लन टेनिसका खेलाडीहरुको आज बुटवलमा भएको सम्मेलनले लन टेनिस खेलाडी संजय प्रकाश श्रेष्ठको अध्यक्षतामा ९ सदस्यीय लुम्बिनी प्रदेश टेनिस संघ गठन गरेको छ ।

प्रथम सम्मेलनबाट उपाध्यक्षमा मनोज कुमार बस्नेत, सचिव गोपाल ज्ञवाली, कोषाध्यक्ष सागर थापा, सदस्यमा डा. प्रकाश बस्नेत, दया शिवाकोटी शाह सर्वसम्मत चयन भएका छन् ।

संघको आजै बसेको पहिलो बैठकबाट चोम बिक्रम शाह (सुनिल) लाई बिधान सम्मत उपाध्यक्षमा मनोनित गरिएको नवनिर्वाचित प्रदेश सचिव गोपाल ज्ञवालीले बताए ।

टेनिस खेलाडीहरुको लुम्बिनी प्रदेश सम्मेलनको आज एक कार्यक्रमका बीच प्रदेश खेलकुद परिषद लुम्बिनीका सदस्यसचिव जयप्रकाश भट्टराईले उद्घाटन गरेका थिए । उदघाटन कार्यक्रममा बोल्दै सदस्य सचिव भट्टराईले सबै सरोकारवालाहरु साझा अधिकार सुचिमा रहेको खेलकुदलाई बुझेर सहकार्यसहितको गन्त्व्य बनाएर अघि बढ्नुपर्नेमा जोड दिए । खेलकुदलाई साझा अधिकारको सुचिमा पार्नुपर्ने उल्लेख गर्दै उनले खेलकुद अतिरिक्त क्रियाकलाप कहिलै नहुने तर्क गरे । उनले खेलकुद अनिवार्य विधा भएको दाबी गरे ।

संयुक्त राष्ट्र संघले खेलकुदलाई शान्ति र विकासको रुपमा परिचय दिएको उदाहरण दिदै सदस्य सचिव भट्टराईले खेलकुद खल्ने, रमाउने मात्र नभई नाम र दाम कमाउने क्षेत्रका रुपमा स्थापित भएको बताए । खेल खेलेर बाच्न सक्ने अवस्था सृजना हुने गरि अभियानमा प्रदेश अघि बढेको उनले दाबी गरे ।

राज्यको लगानी न्यून हुँदा पनि रुपन्देही खेल विकासमा सधै अग्रसर रहेको उनले बताए । खेलप्रतिको यस क्षेत्रका खेलप्रेमीहरुको लगावकै कारण छोटो समयमा खेलाडी उत्पादन र प्रतियोगिता गर्न सफल भएको उनको भनाई छ ।

कार्यक्रममा नेपाल टेनिस संघका केन्द्रीय उपाध्यक्ष राजु श्रेष्ठले लनटेनिस खेलमा काठमाडौ, पोखरापछि रुपन्देहीमा राम्रो विकास भईरहेको बताए । ग्रासरुट खेल विकासमा रुपन्देहीको योगदानबारे प्रकाश पार्दै निरन्तर अभ्यास र खेल विकासमा लाग्न सुझाव दिए ।

कार्यक्रममा पुर्व जिशिअ तथा नेपाल पौडी संघ, लुम्बिनी प्रदेशका अध्यक्ष टेक बहादुर थापाले खेललाई सरकारको प्राथमिकतामा पर्ने गरेको बताए । राणाकालिन समयमा पारिवारिक मनोरञ्जनका लागि खेलको सुरुवात भएको ईतिहास रहेको उल्लेख गर्दै उनले लनटेनिस काठमाडौं केन्द्रीत खेलका रुपमा हुँदै छोटोसमयमा नै देशका मुख्य शहरहरुमा विकास भएको दाबी गरे ।

उनले बिस २०२८ सालको दरबन्दी २०४४ सालमा चलाउनु गलत भएको तर्क दिदै खेलकुदमा स्थानिय, प्रदेश र केन्द्रको समन्वयको अभाव देखिएको दुखेसो पोखे ।

कार्यक्रममा रुपन्देही जिल्ला लनटेनिस संघका उपाध्यक्ष डा मनोज ढुगाना, खेलकुद पत्रकार मंचका अध्यक्ष सुमन अधिकारी, सल्लाहकार अब्दुल सहमतले नया ढंगबाट संस्थालाई योजनाबद्ध रुपमा अघि बढाउनुपर्ने सुझाव दिए ।

प्रकाशित मिति : ८ माघ २०८०, सोमबार  ९ : ५० बजे

विज्ञान प्रविधीसँगै संस्कृत भाषालाई विद्यालयले गरेको माया अतुलनीय रहेको छ : पुर्व उपप्रधानमन्त्री तथा अर्थमन्त्री पौडेल

तिलोत्तमा । पुर्व उपप्रधानमन्त्री तथा अर्थमन्त्री विष्णु पौडेलले विज्ञान प्रविधीसँगै

अनुसन्धान र अभियोजनमा ढिलासुस्ती नगर्न अख्तियारलाई लेखा समितिको निर्देशन

काठमाडौं । सार्वजनिक लेखा समितिले अख्तियार दुरुपयोग अनुसन्धान आयोगमा परेका

रोकिएका विधेयक चाँडो टुङ्ग्याउन निर्देशन

काठमाडौं । राष्ट्रियसभाअन्तर्गतको दिगो विकास तथा सुशासन समितिले सुशासनसम्बन्धी कानुनको

रुसी सेनामा गएका नागरिकप्रति राज्यको दायित्व छ : परराष्ट्रमन्त्री साउद

काठमाडौं । परराष्ट्रमन्त्री एनपी साउदले गैरकानुनी रुपमा गएका भए पनि

‘विश्वविद्यालय थप्ने कि भएकालाई राम्रो बनाउने ?’

काठमाडौं । प्रतिनिधिसभाको शिक्षा, स्वास्थ्य तथा सूचना प्रविधि समितिको आजको