काठमाडौं । अफगानिस्तानलाई हराउँदै नेपाल आईसीसी यू-१९ विश्वकप २०२४ को सुपर सिक्समा प्रवेश गरेको छ ।
तीव्र गतिका बलर आकाश चन्द र कप्तान देव खनालको उत्कृष्ट प्रदर्शनबाट नेपाल समुह डीबाट तेस्रो स्थानका साथ सुपर सिक्समा प्रवेश गर्न सफल भएको हो ।
दक्षिण अफ्रिकामा आज भएको खेलको पहिलो इनिङमा नेपाली बलरहरुको घातक प्रहारपछि अफगानिस्तान १४५ रनमा समेटिएको थियो ।
जवाफी ब्याटिङ गर्न उत्रिएको नेपाललेका लागि कप्तान देव खनालले ८९ बलमा ७ चौकासहित सर्वाधिक ५८ रनको कप्तानी इनिङ खेले । देव र आकाशले ९० बलमा ४९ रनको साझेदारी गरेका थिए ।
नेपालले अब समूह एको शीर्ष र दोस्रो टोलीसँग खेल्नेछ । समुह ए मा भारत, बंगलादेश, आयरल्यान्ड र अमेरिका छन् ।
प्रतिक्रिया