काठमाडौं । नेपाली कांग्रेस संसदीय दलको बैठक आज बस्ने भएको छ । बैठक दिउँसो २ बजे संघीय संसद् भवनमा बस्न लागेको हो ।
आगामी सोमबारदेखि सुरु हुने संसद्को हिउँदे अधिवेशनमा पार्टी कसरी प्रस्तुत हुने भन्ने विषयमा बैठकमा छलफल हुने कांग्रेसका प्रमुख सचेतक रमेश लेखकले जानकारी दिएका छन् ।
संसद्मा जतिसक्दो धेरै विधेयक प्रस्तुत गर्ने र त्यसलाई अगाडि बढाउनका लागि पार्टीका तर्फबाट सांसदले निर्वाह गर्नुपर्ने भूमिकाका बारेमा बैठकमा छलफल गरिने प्रमुख सचेतक लेखकले बताए ।
सरकारको सिफारिसमा राष्ट्रपति रामचन्द्र पौडेलले माघ २२ गते अपराह्न ४ बजे आह्वान संसद्को हिउँदे अधिवेशन आह्वान गरेका छन् ।
प्रतिक्रिया