७ श्रावण २०८१, सोमबार | July 23, 2024

१७ औं मनमोहन स्मृति फुटबल : वडा नं १५ र १८ विजयी



बुटवल । बुटवलमा जारी १७ औं मनमोहन स्मृति वडा स्तरिय नकआउट फुटबल प्रतियोगितामा वडा नं १५ र १८ विजयी भएका छन् । आजको खेलमा विजयी भएसँगै दुबै टिम दोस्रो चरणमा प्रवेश गरेका छन् ।

बुटवल उपमहानगरपालिकाको संरक्षकत्व र राष्ट्रिय युवा संघ नेपाल बुटवल उपमहानगर कमिटिको आयोजनामा जारी प्रतियोगिता अन्तरगत बुधबार भएको पहिलो खेलमा वडा नं १५ ले वडा नं ५ लाई १–० तथा दोस्रो खेलमा वडा न १८ ले वडा नं.२ लाई १–० गोल अन्तरले पराजित गरेको हो ।

सिद्घेश्वरी खेलमैदानमा भएको पहिलो खेलमा वडा नं १५ को जितमा एकमात्र गोल दिपेश थापा मगरले गरे । खेलको १३ औ मिनेटमा पाएको पेनाल्टीमार्फत उनले गोल गरेका थिए । खेलमा डेभिड थापामगर म्यान अफ दी म्याचबाट पुरस्कृत भए ।

यसैगरि दोस्रो खेलमा वडा नं १८ को जितमा एकमात्र गोल राज गाहामगरले गरेका थिए । उनले पेनाल्टीलाई सदुपयोग गर्दै गोल गरे । खेलमा वडा नं १८ का गोलकिपर रबि थारु म्यान अफ दि म्याचबाट पुरस्कृत गरिएको राष्ट्रिय युवा संघ नेपाल बुटवल उपमहानगर कमिटिका अध्यक्ष गणेश बोहराले बताए ।

बिहिबार बिहान पहिलो खेल वडा नं १९ र १३ र दोस्रो खेल दिउँसो वडा नं ३ र ६ का बीच हुने संयोजक अमृत भण्डारीले बताए । प्रतियोगिताको विजेतालाई नगद १ लाख ११ हजार १ सय ११ रुपैया, ट्रफि, मेडल, प्रमाणपत्र, उपविजेता टिमलाई नगद ५५ हजार ५ सय ५५ रुपैया, ट्रफि, मेडल, प्रमाणपत्रबाट पुरस्कृत गरिने छ ।

यसैगरि सर्वोत्कृष्ट खेलाडीलाई नगद ७ हजार ७ सय ७७ रुपैया, कप, मेडल, प्रमाणपत्र, सर्वाधिक गोलकर्ता, उत्कृष्ट गोलकिपर, अनुसासित टिमलाई नगद ४ हजार ४ सय ४४ रुपैया, कप, मेडल, प्रमाणपत्रबाट पुरस्कृत गरिने छ । प्रत्येक दिन म्यान अफ दी म्याचलाई १ हजार रुपैयाबाट पुरस्कृत गरिने छ । खेलमा उपमहानगरका १८ टिमले भाग लिएका छन ।

प्रकाशित मिति : २४ माघ २०८०, बुधबार  ९ : २३ बजे

को हुन् लुम्बिनी प्रदेशका मुख्यमन्त्री आचार्य ?

अर्घाखाँची । लुम्बिनी प्रदेशको मुख्यमन्त्रीमा नियुक्त हुनुभएका चेतनारायण अचार्य अर्घाखाँची

सर्वोच्चमा महिला प्रहरीमाथि अभद्र व्यवहार गर्ने पक्राउ

काठमाडौं । सर्वोच्च अदालतमा महिला प्रहरीलाई अभद्र व्यवहार गर्ने एक

देशभरका नौ सडकखण्ड अवरुद्ध, एक सय ५९ एकतर्फी सञ्चालनमा

काठमाडौं । बाढीपहिरो तथा अन्य कारणबाट मुलुकभरका नौवटा सडकखण्ड पूर्ण

‘पारदर्शी र असल अभ्यासको अभावले ऐन कार्यान्वयनमा समस्या’

बुटवल । बुटवलमा पछिल्लो परिवर्तित कर तथा भन्सार नीतिलगायतका बिषयमा

ब्रम्हकुमारी ईश्वरीय विश्वविद्यालय नेपालगन्जमा सञ्चारकर्मीहरुका लागि स्नेहमिलन

नेपालगन्ज । ब्रह्मकुमारी ईश्वरीय विश्वविद्यालय, राजयोग प्रशिक्षण केन्द्र, नेपालका केन्द्रीय