३० चैत्र २०८०, शुक्रबार | April 13, 2024

जिबी राई संस्थापक रहेका सुप्रिम सहकारीका अध्यक्ष र प्रबन्धक बुटवलबाट पक्राउ



बुटवल । जिबी राई संस्थापक अध्यक्ष एवं संरक्षक रहेका बुटवलको सुप्रिम बचत तथा ऋण सहकारी संस्थाका अध्यक्ष र एक प्रबन्धकलाई प्रहरीले पक्राउ गरेको छ । सहकारीका बचतकर्ताको झण्डै सवा एक अर्ब रकम हिनामिना गरेको आरोपमा सुप्रिम बचत तथा ऋण सहकारी संस्थाका अध्यक्ष ओमप्रकाश गुरुङ र भैरहवा शाखा व्यवस्थापक दुर्गा चापागाई पाण्डेलाई प्रहरीले पक्राउ गरेको हो ।

बचतकर्ताहरुको उजुरीपछि उनीहरुलाई पक्राउ गरिएको प्रहरीले जनाएको छ । सहकारीले राई संस्थापक अध्यक्ष तथा संचालक रहेका विभिन्न पाँचवटा कम्पनीलाई ७८ करोड ५० लाख ७६ हजार ६६५ रुपैयाँ ऋण लगानी गरि निक्षप बचतकर्ताको रकम हिनामिना गरेको भन्दै बचतकर्ताहरुले उजुरी गरेका थिए ।

गुरुङलाई बिहीबार र पाण्डेयलाई शुक्रबार पक्राउ गरी अदालतबाट ५ दिनको म्याद लिएर अनुसन्धान अघि बढाइएको इलाका प्रहरी कार्यालय बुटवलका प्रमुख डिएसपी विजयराज पण्डितले बताए । पक्राउ परेका दुवै जनालाई इलाका प्रहरी कार्यालयको हिरासतमा राखेर अनुसन्धान भइरहेको डीएसपी पण्डितले बताए ।

गितेन्द्र बहादुर (जिबी) राई सुप्रिम सहकारीका संस्थापक अध्यक्ष हुन् । उनी २०७८ सम्म अध्यक्ष र गुरुङ उपाध्यक्ष थिए ।

१० हजार ३९१ जना बचतकर्ताहरुको एक अर्ब ७ करोड ८२ लाख ६७ हजार ७२९ रुपैयाँ हिनामिना भएको भन्दै लुम्बिनी प्रदेशको रुपन्देही र त्यसआसपासका बचतकर्ताहरुले प्रदेश सहकारी रजिष्ट्रारको कार्यालय दाङमा उजुरी दर्ता गराएका थिए ।

सुप्रिम सहकारीबाट राई र रास्वपा अध्यक्ष रबी लामिछानेले संचालन गरेको गोर्खा मिडिया नेटवर्कलाई साढे १० करोड रुपैयाँ ऋण प्रबाह भएको छ ।

प्रकाशित मिति : ५ फाल्गुन २०८०, शनिबार  १० : २९ बजे

अवैध उत्खनन कार्यमा संलग्न सवारी साधन प्रहरी नियन्त्रणमा

बुटवल । रुपन्देहीको सैनामैना नगरपालिकाका अबै माटो उत्खनन् गर्ने साधन

सार्बजनिक सम्पति तोडफोड गरे सम्बन्धित दलसँग असुली गरिने, बिल पठाइदैँ

काठमाडौं । सरकारले आन्दोलनको क्रममा भएका सार्बजनिक सम्पतिको क्षति आन्दोलनकारी

उपराष्ट्रपति यादवसँग पाकिस्तानका राजदूतको शिष्टाचार भेट

काठमाडौं । उपराष्ट्रपति रामसहायप्रसाद यादवसँग पाकिस्तानका राजदूत अबरार एच हाशमीले

Pakistani Ambassador calls on Vice President Yadav

Kathmandu: Pakistani Ambassador to Nepal Abrar H Hashmi paid a

एसीसी प्रिमियर कपमा नेपालको विजयी शुरुवात

काठमाडौं । नेपालले एसीसी प्रिमियर कपमा विजयी शुरुवात गरेको छ