काठमाडौं । नेकपा एमालेले नयाँ गठबन्धनलाई समर्थन गर्न र सरकारमा सहभागी हुन अन्य राजनीतिक दलहरुलाई आग्रह गरेको छ ।
नया सत्ता गठबन्धनको प्रमुख घटक नेकपा एमालेको आज बसेको सचिवालय बैठकले गठबन्धनमा सहभागी हुन अन्य दलहरुलाई अनुरोध गर्ने निर्णय गरेको हो ।
बैठकपछि महासचिव शंकर पोखरेलले संचारकर्मीसँग सत्ता समीकरणमा आएको परिवर्तनलाई सकारात्मक रुपमा लिँदै सत्ता सहकार्य मुलुकको स्वाधिनता, विकास र समृद्धिको पक्षमा फलदायी हुने विश्वास राखेको बताए । उनले भने, ‘नयाँ सहकार्य फलदायी बनाउनुपर्छ र देशको विकास, स्वाधीनता रक्षा र समृद्धिका लागि यसले अनुकूलता सिर्जना गरेको छ ।’
बैठकले पार्टी स्थापनाको ७५ औं वर्षगाँठको अवसरमा वैशाख १० गते विशेष कार्यक्रम गर्ने निर्णय समेत गरेको छ । वैशाख ८ र ९ गते महाधिवेशन प्रतिनिधि परिषद आयोजना गर्ने तथा वैशाख १० गते स्थापना दिवसको कार्यक्रम आयोजना गर्ने निर्णय भएको पोखरेलले जानकारी दिए ।
प्रतिक्रिया