बर्दिया । बर्दियाको फुटाहा स्थित नेपाल भारत सीमाको दशगजा नजिकैबाट ठुलो परिमाणको चरेस सहित एकजना पक्राउ परेका छन् । सशस्त्र प्रहरीको गस्ती टोलीले बर्दियाको सीमा फुटाहाको दशगजा नजिकैबाट करिब २३ किलो चरेशसहित रुकुम पश्चिमको सानोभेरी गाउँपालिका–५ का ३४ वर्षिय बमबहादुर पुनलाई पक्राउ गरेको हो ।
मङ्गलबार बिहान ३ः४५ बजे बर्दिया जिल्लाको बढैयाताल गाउँपालिका–२ फुटाहास्थित सीमा इलाकामा शङ्कास्पद गतिबिधि गरिरहेका पुनलाई शङ्का लागी चेकजाँच गर्नेक्रममा उनको साथमा रहेको दुई वटा झोलाबाट प्लास्टिकले बेरेको ३९ वटा प्याकेटमा रहेको करिब २३ किलो लागू औषध चरेश बरामद भएको सशस्त्र प्रहरी बल नेपाल बोर्डर आउट पोस्ट (बिओपी) फुटाहाका सशस्त्र प्रहरी नयब उपरीक्षक एवम् सहायक प्रवक्ता शैलेन्द्र थापाले जानकारी दिए ।
पुन चरेस रहेको झोला बोकेर नेपालबाट भारततर्फ जान लाग्दा पक्राउ परेको डीएसपी थापाले बताए । पुनलाई बरामद सामानसहित थप अनुसन्धानका लागि जिल्ला प्रहरी कार्यालय बर्दियामा बुझाइएको छ ।
प्रतिक्रिया