नेपालगन्ज । बाँके प्रहरीले ठुलो परिमाणमा स्क्रीन टच मोबाइल डिस्प्ले बरामद गरेको छ । गोप्य सूचनाका आधारमा नेपालगन्ज बसपार्कमा खटिएको प्रहरीले मोटरसाइकलमा रहेका शंकास्पद व्यक्तिको पिछा गर्दै जाने क्रममा करिव ८ लाख मूल्यको चार सय पिस स्क्रीन टच मोबाइल डिस्प्ले बरामद गरेको हो ।
नेपालगन्जको बसपार्क क्षेत्रबाट ४ सय पीस स्क्रीन टच मोबाइल डिस्प्ले बरामद भएको बाँके प्रहरी प्रवक्ता डीएसपी नारायण डाँगीले जानकारी दिए । प्रहरीले पिछा गरेपछि थाहा पाएपछि मोटरसाइकलमा रहेका व्यक्तिहरुले सामान राखेको बोरा फालेर भागेको प्रहरी लेजनाएको छ ।
सामान कसको हो भन्ने खुलाउन नसकेको प्रहरीले बरामद सामान भारतबाट भन्सार छलेर ल्याएको निष्कर्ष निकालेको छ । प्रहरीका अनुसार बरामद सामान नेपालगन्ज भन्सार कार्यालयमा पठाइएको छ ।
प्रतिक्रिया