कोहलपुर । बाँकेको कोहलपुरमा प्रहरीले लागु औषध काराबारेलाई पक्राउ गर्न गोली चलाएको छ । लागु औषधको कारोबार भइरहेको भन्ने सूचनाका आधारमा लागू औषध नियन्त्रण ब्युरो कोटेश्वर र बाँके प्रहरीको टोली कोहलपुरको चप्परगौडी पुगे लगतै कारोबारेहरु भागेपछि गोली चलाउनु परेको प्रहरीले जनाएको छ ।
प्रहरीले घाइते अवस्थामा रहेका लागु औषध कारोबारे सुशील परियार र अर्का कारोबारे शरणबहादुर कार्कीलाई नियन्त्रणमा लिएको छ । घाइते परियारको भेरी अस्पतालमा उपचार भइरहेको छ ।
लागू औषध नियन्त्रण ब्युरो कोटेश्वरबाट आएका प्रहरी निरक्षिक रुपेस बिस्ट र प्रहरी सहायक निरीक्षक बाल कृष्ण सन्जेल सहितको टोलिले गोली हानेर कोहलपुरको चप्पलगौंडीबाट घाइते परियार र कार्कीलाई पक्राउ गरेको बाँके प्रहरी प्रमुख प्रहरी उपरीक्षक तुलबहादुर कार्कीले बताए । परियार सहितको टोलि भाग्न खोजेपछि गोली चलाउनु परेको उनले बताए ।
परियारसहित अर्का एक कारोबारी पनि पक्राउ परेका छन् । उनीहरुको साथबाट ११० ग्राम ब्राउन सुगर बरामद भएको ब्युरोले जनाएको छ ।
प्रतिक्रिया