पोखरा । गण्डकी मुख्यमन्त्री सुरेन्द्रराज पाण्डेले यही जेठ २८ गते विश्वासको मत लिने भएका छन् ।
सदनमा सबैभन्दा ठूलो दलको संसदीय दलको नेताको हैसियतले संविधानको धारा १६८को उपधारा ३ अनुसार अल्पमतको सरकारको नेतृत्व गरेका पाण्डेले विश्वासको मत लिन लागेका हुन् । उनी जेठ १६ गते मुख्यमन्त्री बनेका थिए ।
विश्वासको मत हासिल गर्न ३१ सिट चाहिन्छ तर पाण्डेसँग अहिले कांग्रेसको २७ सिट मात्र छ । उनले कम्तिमा पनि राप्रपाका २ सिट र स्वतन्त्र सांसद राजीव गुरुङ र अर्को एक सिट आवश्यक पर्छ । विपक्षी दलहरुले भने पाण्डेलाई विश्वासको मत हासिल गर्न नदिने रणनीति बनाएका छन् ।
पाण्डेले विश्वासको मत लिइसकेपछि मात्रै सरकारको वार्षिक नीति कार्यक्रम तथा बजेट ल्याउने तयारी गरेका छन् ।
प्रतिक्रिया