बुटवल । माध्यमिक शिक्षा परीक्षा, एसईई २०८० मा यस क्षेत्रकै प्रतिष्ठित शैक्षिक संस्था न्यू होराइजन इङलिस् बोर्डिङ स्कूलका प्रवेश खनालले जीपीए ४ ल्याएका छन् ।
न्यू होराइजनबाट ३३९ जनाले एसईई दिएकोमा यो खबर तयार पार्दासम्म प्रवेश खनालको मात्रै जीपीए ४ नतिजा देखिएको विद्यालयका प्राचार्य लोकनाथ उपाध्यायले जानकारी दिए ।
देशभर १८६ जनाले ४ जीपीए ल्याएका छन् । गत वर्षको तुलनामा यस वर्ष एसईईको नतिजा दोब्बर राम्रो सुधार आई ९८ प्रतिशत ग्रेडसहित विद्यार्थी उत्तिण भएको प्राचार्य उपाध्यायले बताए ।
पाल्पाको रैनादेवी छहरा गाउंपालिका ४ दागिल स्थायी घर भएका प्रवेश बुटवलमा रहेर कक्षा २ देखि इङलिस् बोर्डिङ स्कूलमा पढदै आएका छन । प्रवेशका बुबा नारायणबहादुर खनाल र आमा भगवती थापा खनाल सरकारी जागिरे हुन् ।
न्यू होराइजन इङलिस् बोर्डिङ स्कूल २०४६ सालमा स्थापित भई शिक्षा क्षेत्रमा राष्ट्रमै विशिष्ट पहिचान बनाउन सफल भएको अग्रणी शैक्षिक संस्था हो ।
प्रतिक्रिया