नेपालगन्ज । अबिरल परेको वर्षका कारण बागमती, नारायणी र पश्चिम राप्ती नदीले खतराको बिन्दु पार गरेको छ । साँझ ५ बजे पछि माफन गरिएको नदीको जल सतहमा तीनवटा नदीले खतराको बिन्दु पार गरेको हो ।
बागमती नदीमा आएको बाढीले साँझ ५ः२० बजेको समयमा ५ दशमलव १ मिटरको बिन्दु पार गरेको छ । मापन केन्द्रको खोकना केन्द्रका अनुसार बागमतीको बहाव घट्ने क्रममा रहेपनि नदी तटिय क्षेत्रमा स्थानीयलाई सतर्कता अपनाउन आग्रह गरिएको छ ।
चितवन स्थित नारायणी नदीको बहाव निरन्तर बढ्दै गएपछि नारायणी तटिय क्षेत्रका स्थानीयलाई उच्च सतर्कता अपनाउन भनिएको छ । देवघाट स्थित नदी मापन केन्द्रका अनुसार ५ः२५ बजेको समयमा १० दशमलव १ मिटर मापन गरिएको छ । नारायणीको यो बिन्दु अत्यन्त खतराको बिन्दु हो । नदीको बहाव अझै बढ्ने क्रममा रहेको बताइएको छ ।
यता पश्चिम राप्तीको सहत पनि निरन्तर बढ्ने क्रममा रहेको छ । साँझ ५ः२० बजेको मापनमा राप्तीको जल सतह ८ दशमलव १ मिटर पुगेको छ । बिहान ५.७५ मिटर रहेको राप्ती अपरान्ह ७.९० मिटर पुगेको थियो भने नदीको बहाव अझै बढ्ने क्रममा रहेको छ ।
प्रतिक्रिया