काठमाडौं । प्रधानमन्त्री केपी शर्मा ओलीले पद तथा गोपनीयताको शपथ लिएका छन् ।
राष्ट्रपति कार्यालय शितलनिवासमा सोमबार आयोजित विशेष समारोहमा राष्ट्रपति रामचन्द्र पौडेलले ओलीलाई शपथ ग्रहरण गराएका हुन् ।
शपथ ग्रहण समारोहमा उपराष्ट्रपति रामसहायप्रसाद यादव, सभामुख देवराज घिमिरे, राष्ट्रियसभा अध्यक्ष नारायण दाहाल, प्रधानन्यायाधीश विश्वम्भर श्रेष्ठ, निवर्तमान प्रधानमन्त्री पुष्पकमल दाहाल प्रचण्ड लगायत एमाले कांग्रेसका सांसदहरु एवं नेता कार्यकर्ताहरुको उपस्थिति थियो ।
राष्ट्रपति पौडेलले ओलीलाई आइतबार साँझ संविधानको धारा ७६ को उपधारा २ अनुसार नयाँ प्रधानमन्त्रीमा नियुक्त गरेका हुन् । गत शुक्रबार असार २८ गते निवर्तमान प्रधानमन्त्री पुष्पकमल दाहाल प्रचण्डले संसदमा विश्वासको मत गुमाएपछि राष्ट्रपतिले सोही साँझ नयाँ सरकार गठनको आह्वान गरेका थिए ।
ओलीले नेपाली कांग्रेस र नेकपा एमालेको समर्थनमा आफुलाई प्रधानमन्त्रीमा नियुक्त गर्न दाबी पेश गरेका थिए ।
ओली योसहित चौंथो पटक प्रधानमन्त्री बनेका छन् ।
प्रतिक्रिया